લોકડાઉનમાં વધતું વજન

હમણાં કેટલાય દિવસોથી આપણે ઘરમાં જ છીએ તેની અસર આપણા મગજ પર પડે છે
આથી થોડે અંશે આપણે સૌ સુસ્ત, આળસુ થઈ ગયા છીએ.
ઘરે રહીને એક મહત્વનું કામ કરીએ છીએ તે છે ખાવાનું !😋
રોજ – રોજ ઘરમાં કંઈક નવીન બનવું જોઈએ તે નક્કી!
ઘરની લેડીઝ ફોનથી રેસિપી જોયા કરે અને નવું – નવું બનાવ્યા કરે અને આપણે સૌ મજા લઈને ખાઈએ.
આપણો ખોરાક રૂટિન દિવસો કરતા વધી ગયો છે.
વધતો ખોરાક શરીરમાં ચરબીનું પ્રમાણ વધારી રહ્યો છે જે આપણા શરીરમાં અનેક રોગોને આવકારી રહ્યો છે.
આજે આપણે આ લોકડાઉનમાં આપણી દિનચર્યા કેવી હોવી જોઈએ તેના પર વાત કરીએ.
જે શરીરના વધતા વજનને ઘટાડવા મદદરૂપ બનશે.
તેની સાથે કોરોનાના સંક્રમણથી પણ બચાવે.

બિનજરૂરી તત્વોને શરીરની બહાર કાઢવા માટે પાણી આવશ્યક છે.
રોજનું 8 ગ્લાસ પાણી પીવું જરૂરી છે.
8 કિલોમીટર ચાલવાથી જેટલી કેલેરી ઘટે તેટલી કેલેરી પાણી પીવાથી ઘટે છે આથી વધતા વજનને અટકાવવા પાણી રામબાણ ઈલાજ છે.
સવારે લીંબુ સાથે પાણી પીવાથી મગજને ગજબ ફાયદા થાય છે , આથી કોઈપણ કામ કરવામાં કંટાળો આવતો નથી.
જળ પીવાથી પેટ ભરેલું રહે છે, આથી ભૂખ ઓછી લાગે છે.
પાણીને જીવનનું અમૃત ગણવામાં આવ્યું છે.
પાણીથી કોઈપણ અશુદ્ધ દ્રવ્યને શુદ્ધ કરી શકાય છે.

અત્યારના સમયમાં ઘરમાં રોજ વેરાયટી બનતી હોય છે એ આપ સૌની પોસ્ટ પરથી ખ્યાલ આવે છે.😋
આપણે શરીરને સ્ફુર્તિલું રાખવા મીઠાઈથી દૂર રહીને શરબતને મહત્વ આપીશું.
શરબત ગરમીમાં શરીરને તાકાત આપે છે.
આથી શરીરની ગરમીમાં રાહત થાય તેવા શરબતો જેવાકે , વરિયાળી, લીંબુ વગેરે પીને તાજગીની અનુભૂતિ કરીએ.

કુદરતની રચના પ્રમાણે વહેલી સવારે ઉઠવાનું અને રાત્રે સુઈ જવાનું.
આ પદ્ધતિથી આપણે વિરુદ્ધ ચાલીને રોગને આવકારીએ છીએ.
મોડી રાત સુધી જાગીને બપોરે ઉઠીએ છીએ.
પરિણામે આખો દિવસ સુસ્તી લાગે છે.
આ કારણે સ્વભાવ ચીડિયો અને ગુસ્સાવાળો બની જાય છે.
માટે ટાઈમ ટેબલમાં 8 કલાકની ઊંઘ રાખવી અને તેને ફરજીયાત ફોલો કરવી જેથી શરીરની કાર્યક્ષમતા જળવાય રહે.

અત્યારે અમુક ઉદ્યોગો શરૂ થયા છે અને અમુક લોકો ઘરે બેસીને કામ કરે છે.
આથી ઓફિસવર્ક કરતા દરેકે સતત બેસી જ રહેવું પડે છે.
તો તેને ચાલવાનો સમય રહેતો નથી.
માટે આપણે જયારે ફોન પર વાત કરતા હોય ત્યારે ચાલતા – ચાલતા કરીએ અને આવી જે પ્રવૃત્તિ ચાલતા શક્ય હોય તે કરીને તેનું વજન કંટ્રોલ કરી શકિએ.